Grumble Studios

Mae merch fusnes a ddechreuodd fusnes yn ystod y pandemig COVID-19 wedi agor ei siop gyntaf.

Lansiodd Meg Roberts, 22 oed, sy’n gyn-fyfyriwr Prifysgol John Moores Lerpwl, gwmni Grumble Studios flwyddyn yn ôl ar anterth y pandemig.

Dechreuodd Meg wneud sanau wedi eu clymu a’u llifo (tie-dye) o'i chartref yn y Rhyl o dan ei brand Grumble Studios. Wrth i'r ‘busnes bwthyn’ dyfu, fe dyfodd syniadau Meg hefyd. Ychwanegodd i’r arlwy o sanau gydag amrywiaeth o hwdis a chrysau-t wedi eu clymu a’u llifo, gemwaith a nwyddau cartref.

Neidiwch ymlaen 12 mis, ac ar ôl profi ei nwyddau mewn marchnadoedd crefft yng Ngogledd Cymru a Gogledd Orllewin Lloegr a thrwy siop ar-lein Etsy, mae Meg, sydd â gradd dosbarth cyntaf mewn busnes a chyllid, wedi agor ei siop gyntaf yn Y Shed yng Ngallt Melyd.

Mae llawer o'r nwyddau sydd ar werth wedi'u gwneud â llaw gan Meg ac yn unigryw i Grumble Studios. Galwch heibio i gael golwg

Mae Grumble Studios ar agoro 9.30am ddydd Mawrth i ddydd Sul.